FunCraft ընկերությունը թողարկել է iTetr Armenian Keyboard-ի թարմացումը, որն անվճար հասանելի կլինի այն օգտագործողներին, ովքեր արդեն գնել են հավելվածի նախորդ տարբերակը: iTetr-ը, որը թույլ է տալիս հայերեն գրել iPhone, iPad և iPod Touch սարքերով, կարելի է թարմացնել AppStore հավելվածների խանութում:
FunCraft-ից տեղեկացնում են, որ iTetr 1.7 տարբերակն անդրադարձել է օգտատերերի առաջարկների մեծ մասին, ինչպես նաև թույլ է տալիս հավաքած տեքստը անմիջապես տեղադրել Facebook սոցիալական ցանցում:
Հավելվածում օգտագործվում է ամենահաճախ կիրառվող Phonetic դասավորվածությունը. այն պարունակում է բոլոր անհրաժեշտ նշանները, ունի գրառումը էլեկտրոնային փոստով ուղարկելու հնարավորություն, լեզվի փոփոխման, գրառումները պահպանելու և այլ հնարավորություններ:
Ամերիկյան FunCraft ընկերությունն աշխատում է նաև նոր հայալեզու նախագծի վրա, որը շուկայում կհայտնվի 2012 առաջին եռամսյակում:
Հավելվածը iTunes AppStore-ում գտնելու համար պարզապես պետք է որոնել iTetr կամ սեղմել այստեղ՝ http://itunes.apple.com/us/app/itetr-armenian-keyboard/id433875228?mt=8:
